■208               TESTAMENTS ENREGISTRÉS AU PARLEMENT DE PARIS            (448)
que ycellui Gabriel l'affermera par serement, ou que il en apperra par escript par le compte escript de la main du dit testateur qui est devers le dit Gabriel.
Item, il vouîi et ordena que tous les saphirs saterins à lui appar­tenans soient baillez et delivrez au dit Jehan Sac, pour yreuk vendre et adenerer où bon lui semblera, et que les deniers qui vendront et ysterront de la vente d'iceulx soient convertiz et emploiez en la fonda­tion d'une chapelle perpetuelle en l'eglise Nostre Dame de la Chevé au dit lieu de Voutery.
Item, il voult et ordena que de la somme de deux cens livres Tournois. dont il est débat et question entre lui d'une part et Mathé de Cen-tiste d'autre part, le dit Mathé soit creu en sa conscience de tout ce qu'il en affermera, et de ce le dit testateur charga et charge le dit Mathé en sa conscience jusques à la dicte somme de deux cens livres Tournois tant seulement.
Item, il afferma que il devoit à feu Gabriel Palvoisin la somme de trois cens livres de la monnoie de Gennes, ou environ.
Item, il afferma devoir à feu Pierre de Clavary et à ses compaignons, marchans de sa derreniere compaignie, la somme de deux cens cinquante huit livres Tournois d'une part, et d'autre part la moitié de la somme de lx livres Tournois, et fu du voiage quant le dit Pierre et le dit testa­teur vindrent d'Alixandrie.
Item, afferma pareillement que Raphael de Yivault, marchant de Gennes, a sa part et porcion en ce que monseigneur de Berry lui doit jusques à la somme de trois cens livres Tournois.
Item, il afferma devoir à Godeffroy de Vivault la somme de quatre vins treze livres Tournois.
Item, il afferma encores devoir au dit Godeffroy la somme de vint frans.
Item, il afferma devoir à Anthoine d'Alegre, marchant de Gennes, la vme partie de vint neuf grosses perles de douze frans la piece.
Item, il afferma devoir au dit Jehan Sac, pour et ou nom de Gabriel des Frans, la vnie.partie de vint neuf grosses perles de douze frans la piece.